اقفت الأيام فالحر النداوي
لو رفعت الصوت ما ظني يصلله
طول الغيبه ولا ادري ويش ناوي
الله اعلم في زمانه وش حصل له
يابو ناصر كل جرح وله مداوي
خبرة الدكتور تكشف كل عله
الزمان يدور ويجيب البلاوي
والحقيقه كل رجلن في محله
لو لبست الجوخ والبشت الحساوي
وكبروا لك صورتن وسط المجله
لا تقول انته علي سيلك نحاوي
وانت تدري لو تجاهلت الآدله
طيعني لا تقعد بدارك خلاوي
وانت غالي ماتصير رخيص لله
لا تحدر لك مع شعيبن سناوي
والدليله يعرف الدرب ويدله
الخطر فوق الجبل والذيب عاوي
طيع شوري لا تزيد الطين بله
معرفة لحود والياس الهراوي
مابنت لك في وسط بيروت فله
قصتن صارت مهي حول الحراوي
صنفوها بين عدل وبين خله
كاتب القصه نشد عشرين راوي
وكل راوي جابله عشرين زله
وصارت القصه خبيتي ينبعاوي
غن فيها هيلي الله هيلي الله
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.