ابتدا ليل القصايد والحروف الابجديه
والسبب هاجوس قلبي قام للشعر يحداني
والكلام اللي بدون اثبات ماله قابليه
لاتصدقه العقول ولا يحليه اللساني
ياوساع العرف والله معرف اسباب القضيه
بس لافكرت فيها لا هزال ولاسماني
عالمن قامت تحط الطيبه مثل الرديه
واقلبوا كل الحقايق واخلفوا كل المعاني
العرب قامت تغني بالهجيني سامريه
وحطوا الجدي الشمالي يمة سهيل اليماني
صارت الدنيا مظاهر والعباد منافقيه
ومن رصيده فالبنوك يحطله سمعة وشاني
الله اكبر يا زمان الجور ياكبر الخطيه
السيوف البيض قامت تنثني كالخيزراني
ياجماعه ناب داب ونابتن في حلق حيه
كيف ؟مدري كيف لكن عندي اثبات وبياني
وقلبي للي قد طواه الهم طيه فوق طيه
لين حتى قام يرجف من ورى حدب المحاني
ووقتي اللي شب ناره والحق الكيه بكيه
الله اكبريازماني 0 الله اكبريازماني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.