ذيك الهنوف اللي غلاها من سنين
خسرتها بامر القدر واخسرتني
راحت لو ان الحب وسط الشرايين
ولو الليال بكيفها ماتركتني
كنا عباره روح وحده لشخصين
غمرتها في حبها واغمرتني
وكنا نعيش احساس صادق لقلبين
عشقتها بجنون يوم اعشقتني
وكانت بعيني غير كل المزايين
من زينها عن غيرها قد عمتني
وكانت وفيه غير كل الوفيين
وكانت بكأسات الوفاء مرويتني
وكانت غيوره غير كل الغيورين
وكانت تجن جنونها لافقدتني
وكانت تغار من الشعر والدواوين
وياكثر ما بكيتها واضحكتني
ريانةٍ تسحر قلوب الملايين
وانا اعترف في سحرها واسحرتني
منها تغار اللي حوت كامل الزين
ومنها تغار اللي بها الحسن فتني
ومنها يغار الورد وسط البساتين
وردة غلا في عطرها عطرتني
اخر لقانا عام الالفين واثنين
في ليلةٍ ودعتها ودعتني
انا دموعي حارت بمحجر العين
ودموعها من عينها غرقتني
واليوم راحت وين مدري وانا وين
تعبت وجروح الغرام اتعبتني
وحالت ظروف الوقت مابيننا البين
وان هبت انسام الغلا ذكرتني
لابد تكرني من الحين للحين
واكيد تدخل قبرها مانستني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.