احتريتك - احمد السكران

احتريتك لين ماقفّت سنيني
يشهد الله مانسيتك ربع ساعة

كل معنى الحب مابينك وبيني
بس تكفى لاتطوّل بالقطاعة

الله اللي في غرامك مبتليني
والله اللي حطك بروحي وداعة

لين ياالغالي تبادلني حنيني
وانت عاشقني بتفكير وقناعة

اشهد انك يالغضي مني وفيني
ولطلبك السمع ياخلي وطاعة

انت يالمحبوب لعيوني وزيني
وان بغيت الشعر .. فأبشر بأستماعه

بس لاترحل ويقتلني ونيني
خل هجرانك لمحبوبك (اشاعة)

لاتروّح مثل ماراحت سنيني
ولاتخرّب مابنيت بظرف ساعة

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر