عــيــونــي - احمد السكران

عيوني تذرف الدمعة وقلبي يشتكي فرقاك
وأنا ضأيع بها الدنيا بدونك يا بعد روحي

عطيتك عقلي..وعمري..ولو تطلب فوادي جاك
ولو طوّلت بالهجران ابا اصبر وأنت مسموحي

احبك كثر ما بانت نجوم الليل في ممساك
واصوّت في ظلام الليل احبك وأنت ماتوحي

أبفرح بالجروح اللي من أسبابك وأقول: فداك
احبك يا معذّبني لو انك سبة جروحي

يقولون:انتبه يا أحمد وركّز لا تضيع ارياك
وأن ضاااايع مع أوصافك وطبعٍ فيك مملوحي

تمنيت ازهمك وأسألك.. تهواني مثل ما هواك؟؟؟
أنا لجلك سهرت الليل أفكر دون مصلوحي

أنا لجلك نسيت الناس وكلٍ قال لي: وش جاك؟؟
وخفت انطق ولو كلمة يصير السد مفضوحي

علام الناس ما ترحم محبٍ يحتري لقياك
قفل باب المشاعر مار شاف الباب مفتوحي

متى؟ وشلون؟ مدري كيف؟ واثري ضعت في ذكراك
غديت بدنيتي درسٍ..سهل..ممتع..ومشروحي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر