جت تفلسف بالكلام وقبل تبدأ سالفتها
ارفع اعيونى واطالع للحلا منها وفيها
غرةً لو عانقت سود الليالى نورتها
نورها نور مدينتها ونورساكينيها
وقذلةً لامن تمادت فوق غرتها ارفعتها
ودى ارفعها بيدينى بس تسبقنى يديها
والعيون ان سلهمت يانعنبوها سلهمتها
تسدل أطوال الرموش اللى تلامس وجنتيها
والشفايف مثل لون التووووت واللؤلؤ تحتها
وبسمةً من شافها يمكن يموت ولا نسيها
والحكى معسول والكلمه حرام اليا انطقتها
ودى اقول ارجعى عشرين مره وانطقيها
جايبه بعض السوالف والسوالف جايبتها
ليلةً جتنى وانا والله مانى محتريها
جاتنى معها سوالف والدقايق ما اسعفتها
نعنبوها من دقايق قصرت حسبى عليها
راحت وباقى سوالفها معى ماكملتها
ياعسى ربى يسامحها ويرحم والديها
واتركتنى بس افكر دون ماعرف سالفتها
الوكاد انى ابى اسمع سوالفها وابيها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.