آخر قصيده يالغلا قلتها لك
وأحلا قصيده فالغزل قلتها فيك
آمر تدلل والقصايد حلا لك
دامه حلالك تاخذه دون ما اعطيك
انت الوحيد اللي بقلبي لحالك
ضمك ورى حدب الحنايا ومخفيك
يبطي ويبطي مايدور بدالك
ما دمت صافيله ودامه مصافيك
الله لايحْرِمه لذة وصالك
والله لايسقيه جرعة تجافيك
ماعذبه الا دلعك ودلالك
لكن تدلع جعل ربي يخليك
يحق لك لوتفتخر في جمالك
الزين من ربي وربي محليك
دام الجديل اسود ظلامه وحالك
ولو تنثره من فوق جسمك يغطيك
وسودٍ هدبها ترسله ثم جالك
وخدود مثل الورد منهو يضاهيك
والجمرتين اللي تزيد اشتعالك
ياحلو حبات البرَد بين اشافيك
وعنق وقد وخصر ناحل وهالك
مافيك حيله والشعر مايوفيك
الله يستر من دلعك ودلالك
لكن تدلع جعل ربي يخليك
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.