في غيبتك ../ مدري أحس ان الزمن هذا "عذاب"
.. والوقت لين اثمر " نبات الهم " وشلون ابتره ؟!
ياصاحبي .. هذا السفر "غابه" وأشجاره غياب
آناظر عيون السما .. والقى عواصف ممطره ..
وشلون ادوّر راحتي ؟ /.. باقول لك اسرع جواب
مابين "هفوات القلم" ولاّ "خطوط المسطره"
اسطّر حروفي على (خط الالم) مثل العقاب
من لامني .. خلّه يحرر منطقة مستعمرة /
صدري ..\ ليا فاضت براكينه يعوف الإنسكاب
في داخله مليون حاجه مابها خير اشكره
والضيقه اللي ماقْدَرت تلقى لها "أجْر وثواب"
خلها تزيد الكيل فوقي وتعطي اللي تقدره
مادام صدري "في غياب" أغلى حبيبٍ له .. مصاب
مافيه شي بْلا خَساره ممكن انّه يَخسره
هذآك .. من يخطر على بالي (ذِنبْت) بْلا حساب !
كنْ المشاعر في غيابه عاد تطعن بظْهره !
من غآب عن عيني .. وانا اشْكي حالتي دون اصطلاب
لا قال شعلومك ؟ .. اقول : إن العلوم مْيسّره
أكذب على شانه ..
مادام بعلومي "ضرر" خل العلوم مْشفّره
"ساعات" أحِسْ إن الزمن في غيبته كله (غياب)
و"ساعات" أمِل مْن الغياب ف هالزمن واستحقره !!

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين