منتوج فكري

منتوج فكري زايد يوم عن يوم
والفكره الجزله تداعب خيالي

والمنطق المعقول مايلحقه لوم
يانور فكره بالحقيقه ضوالي

لو كنت تسبح بالبحر غيرك يعوم
ولو كنت ناوي بالفعول الوصالي

ماشي طريق فيه والسير مزحوم
ماغيًر الحاله كثير السؤالي

واهل العلوم الطيبه ماشها دوم
تكسب مكاسبها خيار الخصالي

مايكسر السلعه كثر راعي السوم
اللي يبيع ويشتري كل غالي

ولاجيت فالميقاف بيٌن لك سلوم
وكنه يقول انا الوحيد ولحالي

ناس مهايطها كثير ومذموم
ماهمها غير الكلام المثالي