الملهمه - رامي العتيبي

لوكانت صدورنا بالحب مليانه
ماكان دايم نقول الخيره الخيره
وأجمل علاقة غلا من معتلي شانه
ماهو من اللي خسر صيته و تقديره
(وش فيك ياقلب متغير على فلانه)
مادام بين الحنايا موطن وديره
تزيد في بعدها ياخوك الانسانه
الملهمه عاهدتني وارسلت سيره
يابعد كل القصيد وبعد قيفانه
مايتعب الشعر لو طالت مشاويره
وراع القصيد احتمى ماقفه بلسانه
كله على شان من هي تشعل الغيره
لبا غلاها مادام الاسم شيهانه
ماهو بموقف وانا مااحتاج تبريره
دانه بوسط البحر والملهمه دانه
ماتعترف بالغرام ولامساييره
يقلون راع الطرب لاهي مع الحانه
واقول راع الطرب قدم معاذيره
مجبور اصدق خيال الفكر واعلانه
وامني النفس بالخيره عسى الخيره
© 2024 - موقع الشعر