المرجله ماهي سواليف وعلوم - سعود سعد العتيبي

المرجلة ما هي سواليف وعلوم
يشين وجه اللاش وإلا يزيني

اللاش من كسب المناعير محروم
ماله على كسب الجمايل يديني

الحر حر ما يوصّف على البوم
البوم ما تقنص به الجايعيني

الحر يا هل العرف مشري ومسيوم
والبوم ما يشرى بربع الثميني

والرجل له في الضيق همات وعزوم
وإلا الردي متخفي ما يبيني

الرجل في كل المواجيب ملزوم
مواقفه تبقى مواقف رزيني

الرجل جعله دايم بعز ويدوم
وإلا الردي جعله يلحَف بطيني

لا لا تغرك كشخة البشت وهدوم
الرجل بافعاله على كل حينى

ولا يثمن مظهره أمس و اليوم
قد قالها اللى هم لها خابريني

بيت الشرف ما هوب يالربع مهدوم
لو حاول الرديان ساسه متيني

© 2024 - موقع الشعر