لاتسمعه . . لا يبكــيك

يا قلب يا للي تصدق الناس مغباك
تطرد ورى من شاف غيرك و معميك

أنت وشتبي با للي يبيعك وينساك
يكفيك ترخصني مع الشين يكفيك

بس أتركك من حب ياخذك لا قصاك
خل عنك منهو بدمعة الكذب ينعيك

لا جاك صوته وأستبد بحناياك
لا تسمعه . . . لاتسمعه لا يبكيك

الناس هذي أطباعها مثل الأسماك
أن ما رميت الطعم بخداع ترميك

ما أنته بحاجة حب هذا ولا ذاك
دور على اللي لا تهاويت يبنيك

ومالك عن اللي تكرهه و يتمناك
فراق ٍ إذا ما موت الحب يحييك

وهل الخاتم اللي مثل قلبي بيمناك
يموت لو ترمي على غيري يبيك