جيتـك مـن أرض الحـرميـن - عبدالله بن أحمد

بعيدك ياوطن سعدي يعود العيد يالبحرين
بلادي تفتخر باقدم حضاره من ثلاث قرون

كتب تاريخها الماضي بنقشه واضحه للعين
صحاف المجد تذكرها قديمه واسمها دلمون

حمد تاج ٍ على راس البلاد بحكمة الوالين
ملكنا باني النهضه دعايم حكمه الميمون

بداها من سنة تسعه والف وتسعه وتسعين
حكمها بالعدل عدله يحقق شرعها القانون

بلادي درة بلاد العرب حلفي برب الدين
غلاها مالكن روحي نهون وارضها ماتهون

جيتك يا حمد جيتك من ارض لخادم الحرمين
جيتك يا حمد حامل ٍ شعري ملحنن موزون

بصوتي شعري المكتوب بيدي حقها حقين
اذا ما اوصف غلاها به لمن اكتب وارد لحون

واذا بتقصر عطايانا لامٍ تعطي بكفين
اخير النا نموت وما نرد الها العطا بالدون

فداك الروح يابلادي هديه مقدمه بيدين
قليله حيل قيمتها هديه للوطن تعطون

وعيدك سعد يابلادي نطقها شعبك الوافين
يعود العيد يادوله عظيمه وصفها بالكون

يعود العيد ابو سلمان صوت الشعب مجتمعين
بعيدك يابلاد الخير عيدك سعد يادلمون

© 2023 - موقع الشعر