لو الابرص خاشره في شاعر العجماني - مانع بن شلحاط

راكب اللى ماش له ماما ولا له ببه
أخترع شكله امريكي وصنعه ياباني

جيب شاصي فالعتش والصلب كن مطبه
طمرة الزيدي ليا غنا له الجيلاني

نصه اللى فالحنايا ماتغير حبه
شايب و نقدره من عادنا بزراني

هو أستاذي بالقصيد وفي عموق الغبه
في زمان العولمة والشاعر العلماني

برفسور الشعر واللى سواه نكبه
لو الابرص خاشره في شاعر العجماني

قل لأبن شلحاط ابو الطيب هجا طرطبه
وذبحه فاتك وهو من خيرة الفرساني

و انت عود نص بطنه واصلٍ لركبه
لا تشقوى بالهوى وتحرش الضباني

والهواجر شيخهم لا أبطيت منه نبه
والشحم فالك وفال الشاعر العرجاني

والسلام ختامها و لكل شي سبه
وانت سبة ضيقة الخاطر وصح لساني

© 2024 - موقع الشعر