دواي وطبيبي - عمر الظفيري

اسمع كلامي وافهمه ياحبيبي
والله احبك يابعد روحي واغليك

بالمختصر انتا دواي وطبيبي
وانتا نظر عيني وقلبي يداريك

احن لك واشتاق وانتا قريبي
واسج في بحر الهوى يوم الاقيك

نظرت عيونك من سحرها اغيبي
واصحى على شاطي غرامك واناديك

همسك يرد الروح بعد المغيبي
يسقي زهور الحب تحيا براضيك

في شفتك نارن تزود لهيبي
وفي خدك الوردي جمالن يحليك

ومن شعرك الفاتن خفوقي صويبي
سلاحن نثرته فوق متنك يعليك

في زعلتك في ضحكتك شي غريبي
شين يخلي الحلا يجتمع فيك

حتى السما دمعه حزينن سكيبي
مغلولتن من قاع شالت خطاويك

عطرك حبيبي من يشمه يطيبي
لوكان مجروحن وصابته اياديك

خصرك عيوني لاتثنا عجيبي
تتمايل الاغصان مع لحن طاريك

الخشم سيفن من يشوفه يشيبي
يقول ياحظ اللذي هو يماشيك

نورن صطع يسرق نظرنا رهيبي
وجهك شعاعه خاطفن قلب مغليك

هذي حروفي سطرت ياحبيبي
كل الكلام اللي سكني ويعنيك

© 2024 - موقع الشعر