بديت اكتب على صفحة مخانيق الصور موال
بحبر الدمع في وقتٍ كسر في نيتي جبري
بديت اكتب حياتٍ في بدايات الصغٌر تختال
جهل بالوقت مع دنياً تباشر بي على صغري
بديت اكبٌر مع ايامي وتصغر فرحتي رجال
بديت اصنٌف اوراقي وارتبها معا عذري
بديت اشبٌك ايديني على كثر الغثاء ماحتال
بديت اكسٌر ايامي واجبرها وانا مدري
من اول طمعتي في دنيتي رزقٍ سوات جبال
وصغٌرت طمعتي فيها ولاهي صآغرت قدري
يحل الضيف فوق الضيف لو حالي قليل المال
ولكن عزتي من فوق شوحات البصر تسري
اناظر والبصر صامت واسج بنظرتي بالعال
اخليها تشوح من الوجع فيها قهر صبري
اعزيها عن هموماً عثت فيها خذت مشوال
واهديها واقول الهم ماجاكي ترى بدري
عزيزه يالعيون اللي نثر منها الوجع همال
تجرع ريقها اليابس تنش من الورق حبري
عزيزه ياليمين اللي مع الشحٌه تمد جزال
يشح الوقت برضاها رضى من شيدت قصري
عزيزه يالضلوع اللي نحت منها العنا تمثال
وقام الوقت يغثيها وينبش مقبرة صدري
عزيزه يالنفوس اللي تعاجل بأمرها الاهوال
ضلامٍ يسرق الفرحه يضيق خاطري بأمري
ضلامٍ يسكن اعماقي يبعثرني وانا مهتال
يشتت باقي انفاسي يجهز للوعد قبري
يشربني قراح الموت صبٌ لوجعتي فنجال
وانا اشربها فناجيله وادس براحتي جمري
اردد ليت من صغري وياليت الليال عجال
تباطت بالدهر فيها ودولاب الدهر يجري
ابنسى حسرة الماضي واجدد باقي الامال
براضي بالزعل نفسي واقنٌعها وانا حدري
بقوم لوقتي اللافي ولو همي غدا منوال
ابنسى وقتي الفايت واجدد بالعزى عمري
ابرجي باقي الفرحه على الثغر الحزين اجيال
عسآه الوقت ينساني وتنسى وقفتي كسري
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.