بنات أهل الشرف والعز - هنوف الشعر

تركد لا تعشم نفسك أني بالغرام أهواك
ترى منته برب ألى تموتنى وتحييني .؟؟

أنا ماقلتلك أني هويتك تابعه لرضاك
ولا فكرت فى دروب الهوى لو كنت تغلييني .؟

أنا بنتٍ شريفه واطيه قلبي قبل لاأطاك
وطيته قبل فى دروب المشاكل لا يوطييني .؟؟

أذا هذي طبووعك دايمٍ تمشي على عمياك
أببعد عنك قبل أنك تبلاني وتعمييني ..؟؟

بنات أهل الشرف والعز ماهى ملك فى يمناك
وأنا لامن بغيتك أملكك فى راحة يمييني .؟؟

تخربط بالكلام وشوف هرجك وين اهو وداك
وأنا هرجي على درووب الشرف دايم يودييني .؟

كساك الحلم من راسك لتفكيرك ليا موطاك
تحسبني أحبك وأعشقك وأنت أجمل سنييني ؟؟؟؟

تري والله ماتسوى ولا ذرة رمل ياذاك
ولا تسوى بعد دمع الفرح والحزن فى عييني ؟

تبلاني فى بحبٍ ماعرفته ربنا يبلااك
وأنا بنتٍ ولا أمشي فى درووب العيب والشييني ؟؟

أنا بنتٍ ربت فى بيت عز وسيرته تسواك
علي دين ؟ وسلوم ؟ وعز ؟ وعهود ؟ وبراهييني ؟؟

ماني من عالم الموضه وغصن البان هو والراك
عزيزة نفس والعزه عن أمثالك تعزييني ؟؟

وتركد لاتعشم نفسك أنى بالغراام اهوااك
ترى منته برب ألى تموتني وتحييني .؟؟

© 2024 - موقع الشعر