الفلس عقب الكده - هادي ال مخلص

جارك الله في المتاعب والفلس عقب المكدة
دام فايدة التعب ماعوضت شي بغيته

والشكاوي عند ربي في رخا ولا بشدة
واحد لا شان وقتي عند غيرة ما شكيته

وين ابلقى لي رفيق يحتميني لو بردة
يحتزم بي لانتخاني واحتزم بة لانتخيته

والشعر لاصار مايرضي طموحي ليش اعدة
واتعنى في كتابة كل بيت قد بنيته

الا والله ارتاح واريح واكبر في المخدة
دام شعري يا وليفي لا كتبته ماقريته

ويش ذنبي يوم جيتك هاقي منك الموده
وللأسف رديت منك ما لقيت اللي هقيته

مثل من ينقل ويشحن بندق من غير عدة
مالقى غير المتاعب في المراح وفي مبيتة

ماتعلمني من اللي مانعك لا رحم جدة
يوم تبخل بالمودة والعطا لما اشتهيته

وانت حبك في فؤادي ثابت محد بقدة
ماعطيت الحب غيرك يعلم الله ما عطيته

ولا طلبت الا بعض شي من احساسي تردة
دامني معطيك كل اللي ذخرته ما كنيته

ادمح الزلة علي . يوم الرضى منك تلدة
كلما بعت الزعل عودت كنك لي شريته

وكل ما عمرت سور الحب . بيدينك تهدة
وكل ما جيت انتهي من جرح جيته وابتديته

لين عذبت الخفوق بداخلي لين باح سدة
في مسلسل وانت دورك كل ماسوي نفيته

تستلذ بدمعة الرجال لا سالت بخدة
وانت تدري دمع عيني طول عمري ماهميته

والله ان اغلى دموعي يوم هلت مستهدة
عند قبر اغلى الحبايب يوم من قلبي بكيته

ليت عمر الرجل يهدى كان روحي مستعدة
للعطا من دون أبي بالعطى بالروح وبعمري فديته

وانت ترضاها علي وتلحق الصدة بصدة
مارحمت الحال ولا شفت يوم انك بريته

والله ان البيض واجد غير قلبي صرت حدة
وكل نفس وما هوت والقلب عنك ما حديته

ويش اسوي وانت عينك في فؤادي مستلدة
بالرماح بكل رمش صايب منك رميته

وأن ذكرتك والرياح وعودك اللي جات ضدة
كل ما هبت تثنى لين جرحك بي ثنيته

ويش اسوي لا تذكرت ان مكانك مايسدة
غير شخصك ..عزتالي لا التفت وما لقيته

ثم رجعت من التعب بافلاس من عقب المكدة
للأسف رديت منك ما لقيت اللي بغيته

تمت الإاضافة بواسطة : منيرة العبسي
© 2024 - موقع الشعر