احبك صمت - هادي ال مخلص

هلا ولا هلا ماشبعت قلبٍ عليك يتوق
هلا با قولها لك وادري انها ماتكفيني

تعال وحل في بيتك مابين القلب والمعلوق
واذا ناوي تغير لاتباعد..خلك بعيني

وخل الروح تشبع منك ذوق يارفيع الذوق
وخل العين تشبع منك شوفٍ لجل تحييني

تعال وعوض اللي فاتني يالعاشق المعشوق
وعيشني الغرام اللي فقدته قبل عامين

وترا منزلك عندي لا يزال ونظرتي لك فوق
وغلاك يجدده عهدٍ مضى مابينك وبيني

فداك اللي بقلبي من شرايين ودما وعروق
وفداك اللي مضى واللي بقى من جملة سنيني

احبك رغم هجرانك ورغم الصد يالغرنوق
واحبك كثر شوقي لك وكثر الوجدلك فيني

واحبك صمت يحمل زحمه الفاظ الغلا والشوق
واحبك (بوح) بحروف تترجم من شراييني

ومادام انك رجعت وشفت ماغيرك سكن مخلوق
بقلبي..ويش عذرك لو نويت انك تجافيني

ومادام انك سمعت بعبرتي لك عبره المخنوق
بعد شوقك..دخيلك ياحبيبي لاتخليني

تمت الإاضافة بواسطة : منيرة العبسي
© 2024 - موقع الشعر