صدفه

معقوله انتي .. بعد هالوقت تلقيني
والله غريبه غريبه..جد هالصدفه

أظن الى الحين وتوك..ماعرفتيني
يمكن على شان هيئة وجهي مختلفه

تامليني .. وخلي عينك بعيني
ماذكرتك العيون بشي..فيه ألفه

طيب وصوتي أبد ..ماذكرك فيني
ياما لهصوت كني داااااايم فلهفه

والله مااصدق ..بالهسرعه نسيتيني
اكيد قصدك خفوقي يرجع لنزفه

الله يخليك ..مافيني مكفيني
قوليلي امزح!! قوليلي اي عذر اتفه

قالتلي ارجوك لابينك ولا بيني
انا عرفتك .. ولكن قصدي تعرفه

انا تغيرت..ولااتنازل تحاكيني
ماتعرف اني بكفه.....وانك بكفه

قلت اعرف انك بلا ذنب(ن) خذلتيني
وخذلتي حتى خفوق(ن) حب رغم انفه

قالت وبعدين !! باااقي شي يعنيني
خلص كلامك بدل ماتدور وتلفه

قلت امشي امشي..ولاكنك لمحتيني
بكيف قلبك .. مثل ماجاء على شفه

يسقى على الشوق قبل يوم انك تجيني
طفله صغيره تسابق قلبك الرجفه

يسقى على الشوق وايديك تعانق ايديني
منها العرق سال وقلبي مغرقك لطفه

اقوللك همس.. صحيح انتي تحبيني
وصرخة احبك يرددها صدى الغرفه

روحي بطريقك وعنك الله يغنيني
جرحي غدى جرح يستصعب على وصفه

وتذكري زين اذا في يوم شفتيني
انك خسرتي (رهين) وبعض من ظرفه