هلّ رمضان

هلّ رمضان.. وخاطرك مني زعلان
الى متى ؟؟ يا أبيض القلب صدّك

قبل الفطور.. ادعي.. ومن بعد الآذان
و.. وقت السحور.. ارجي الهي يردّك

انا أعتذر.. سامحني.. يا طير حوران
وانت النبيل.. وربي با لحلم .. مدّك

عقبك نصتني اهموم.. للحزن عنوان
حسبي على اللي كان ضدّي.. وضدّك

لازم تواجهني... بما قيل.. او كان
واشرح لك الموضوع.. وتقول ردّك

انا اتمنى شوفتك.. والغلا بان
او حس صوتك.. كان ظرفك.. يحدّك

واذا لقيتك.. بسمتك عندي برهان
على رضاك.. وحب قلبٍ يودّك

كل عام وانت بخير.. يا عالي الشان
والله كريم.. اخلاص قلبي يشدّك