ها لحين صار العيد - نورة الشبيلي

ها لحين صار العيد عندي سعيدي
يوم اهتنى قلبي بشوفة حبيبه

شفت الغلا لي في عيونه اكيدي
بدد سلامه كل شك .... وريبه

طبع الوفاء عنده وعندي فريدي
قصة هوانا في وفاها عجيبه

مهما اختلفنا من عواذل تكيدي
صك الرضا لهفة حنيني .. تجيبه

ولو قام سد بيننا من حديدي
الشوق في قلبه وقلبي يذيبه

يا جعل عمرك يا حبيبي.. مديدي
واعيش في دنياك دوم قريبه

مبروك يا عيد علينا جديدي
مع هلتك اهديت قلبي نصيبه

© 2024 - موقع الشعر