كلش كشفته عنك من جيت جدّه

أمدحك دايم ..احسب انك مثالي
ا حسبك جاهل في دروب المودّة

لين انكشف لي ما تخيل خيالي
كلش كشفته عنك من جيت.. جدّه

عن الشواطي.. صار مشغول بالي
وعن البحر لاداعب الموج خدّه

وعن النوارس.. والهوا والرمالي
حتّى المرح.. كل يوم الا جاء اصدّه

اثرك خبير.. وراسم.. ما جرالي
وقلبك على نهب المشاعر.. تعده

من قال لك؟؟ قلبي من الحب خالي
ومشا عري.. ما قربت يم.. حده

وشلون تسرق واحد.. كان سالي ؟؟
وما به على جرح .. المحبين شدّه

عاش بسلام.. ودايم.. ما يبالي
ويا كثر .. من لمّح عن الحب وردّه

غربة.. وتناهيد ودمع .. بقا لي
قلّي ..متى ناوي تتوب وترده؟؟

والله لو جا.. لحظةٍ و ا شتكا لي
والاّ كشف لي .. عن همومٍ تهده

الصبر والكتمان.. فوق احتمالي
وما همني.. لو بان مكنون سدّه

يجيك ظلمي.. مثل سود الليالي
ولو صرت .. بعيون البشر مستبدّه

ووالله .. لو جا عن حنانك حكا لي
انا الوفا.. بالحب ما نيب ضدّه

الا شفت حبك.. له كبيرٍ وغالي
والا شفت .. شوقك في حنانٍ يشدّه

لهديك.. عمري يا حبيبٍ صفا لي
وتفداك.. روحٍ للغلا .. مستعدّه