غيـــــــــرة مسلمة

والله وثار الدم واستنهض القاف
واحترت مابين الحياه ومماتي

حياه ماتسوى بلا رزة اكتاف
ومماتي ارحم لاتردت حياتي

دنمرك والنرويج تخسى وتنعاف
مادام فيها جاهلين الصلاتي

صلو على رسول ربي بلا لا ف
يامسلمين وركزو في وصاتي

لاصار به مسلم على دينه يخاف
ويرد كيد الطاغيه والعداتي

ياكيف يرضى بالرذيله والاسفاف
رسولنا حطوه رسمة شتاتي

وربي اني ضقت من كل الاطراف
وطشيت من زود اشتعالي عباتي

ياكيف وانا بنت باحساس شفاف
صحت ابصدى صوتي تراجف شفاتي

وين الرجال اهل الفظيله والاشراف
ياكل مسلم مارضى بالرداتي

والله عدد من كبّر وسلّم وطاف
مارتاح غير يصير جسمه رفاتي

اللي تمادى عن ميادين الاعراف
وثار من فعله رجال وبناتي

رساّم ؛ لا والله يهودي وعراّف
ومسيحيٍ يغشاه شين الصفاتي

دنمرك والنرويج ياهيبة القاف
نبي نوريهم هل الطايلاتي

ياسيد الحكمه على كل ميقاف
(عبد الله ال سعود )تنخاك ذاتي

نبي نقاطعهم على سبة اتلاف
صورة نبي الله ليوم الوفاتي

اقسم برب البيت لو مابه اخلاف
ولي سلطة اهل السيره الشامخاتي

لاقطّع النرويجي انصاف وانصاف
وافِت ابن دنمرك فَت الفِتاتي