نوخ ركابك

لو تبعثرني طباشير .. وورق
صيره احساسي المرهف.. حرير

لو تبي تحرق كياني.. مااحترق
كيف تحرقني وانا قلبي غدير؟!

لو تناديني بصوتك.. ماطرق
صوتك لبابي ولايمك اسير

صوتك المبحوح.. اذا لحظه برق
يخطف ابصارك ولو انك ضرير؟!

لي مشاعر ماتجي بجهد وعرق
وارف الاحساس مني يستعير

كيف تبغيني اجي لك .. والارق
مرتدي قلبك .. وعينك زمهرير؟!

لوتحاول ..لاتحاول ..مافرق
مرجلتك ..ومرجلة طفل غرير

نوخ ركابك ..مصيرك للغرق
وسط شبر الماي ..وتصوت :اسير !