الـشــعــر تـعـريــفــه - نايف معلا العتيبي
الشعر تعريفه بدون أية جدال(كلام له معنى مقفَّى وموزون )ولو قالوا أبا أقول عن كل الأقوالهذا الصحيح وقولوا اللي تقولونماهو كلامٍ كيف ما قيل ينقالوش لون ؟ مدري ! كيف ؟ ياكيف ! وش لون ؟لا قافية ، لا وزن ، لا نعت ، لا حاللا وصف ، لا تشبيه ، لا شكل ، لا لون !يعني سوالف بس من غير منوالسولف واسولف وأكثر الناس يوحونحتى لو إنك جبتها مالها جالأهم شي تكون رزَّه ومزيونوفي يدك ساعة تعطي ألوان واشكالمطلية بألماس ماهو زركونوفي أصبعك خاتم فضّه ، وفصه جلالمغير يلمع كل ما قلت هاللون ؟وشماغ لولا حبكته قلت طرباللاوالله الطربال مع شكله يهونوعقال من شافه حلف ماهو عقاليقول : هذا عقال وإلا درقسونوثوبٍ مفصل ماهو آيات تفصاللو تلبسه عذرا غدا القلب مفتونماهو بثوب الدفّة بمية ريالخامة قماشه بألف ، وألفين عربونوإن كنت فاضي يوم ماعندك أشغالعليك باستديو زماني أو فنونوطق لك صورة كايفه مالها أمثالويفضل إنْ إيدك على خدك تكونوحاول تعرف لك على شخص محتالإعلامي ومشهور ماهوب مدفونبإمكانه يخليك في أيام وليالمشهور مثل النابغة وابن خلدونوحاول قبل كل شي تغريه بالماللين إنه بكبره يصير إلك مرهونوأشيا كثيرة غير هذي على البالياناس ! ياعالم ! هو أنتم تشوفونموروثنا الشعبي غدا نصه خبالبيدين متشدق ، وساذج ، ومجنونمن عقب ماكانت توارثه الأجيالأصبح مجرد شي زايد ومركونومن عقب ماكان يتنفس ويختالصار أكسجينه ثاني أكسيد كربونتعرضوه صوير ، وعوير والفالللي على نهج الثنينه يسيرونصوير جنب عوير ، وعوير دجالوعوير جنب صوير ، وصوير ملسونعوير لامن قال : يالال يالالصوير يصرخ ! ياخي إبداع وجنونيامال فرقا العين يامال يامالجنون يمكن لكن إبداع تبطونوإليا سمع بيتٍ من بيوت الأبطالفلنفرض إنه من بيوت ابن لعبونعقد حجاجه وإنقلب جده هبالوراحت علومه كلها دون في دونوقال الحقيقة كل عصر ٍ له رجالوحنا بعصر التلفزة والتليفون !لكن ويش الفرق يالغادي الضاللكل عصر رجال والشعر مصيونماهو بعرضه للمهبل والأنذالاللي ليا بانت نجومه يغيبوننجومه اللي يستحقون الإجلالأمثال ، بندر ، والزلامي ، وابن عونوابن سند ، والأكلبي ، وابن هذالوبدر الحويفي ، والعسيلي يعدونهذا مثال ، وباقي أمثال / وأمثالأسماً ذهب , وأصحابها ما يهونونوالشعر مهما صار باقي ولا زالوشعّارنا في كل وادي يهيمونياكثرهم كثراه لا جت للأزوالوإن جات للشعر الحقيقي يقلّونمليون لكن لو تجيب إلك منخالوتنخلهم بمنخال ماهم بمليونوأنا ما أبري نفسي بكل الأحوالأخاف في المنخل مع اللي يطيحونلكن والله ماني قصير حبالولاني من اللي في القوايل يضيعونوالشعر احبه حب مافيه مدخالماني وصي الشعر لكن مغبونمن ناسٍ تحاول تحيّل وتحتالناس ٍ بحذف السين والألف والنونعمالقة واحدهم إنْ قال ما طالفطاحلة وإن جيت للحق مالونتحت مسمى الشعر يبنون الآمالوآمالهم ياجعلهم ما يفيدونصورة على غلاف المجلة بمدهالوإلا حوار مطول وفي التلفزونوأعمالهم والله من شين الأعمالهرجٍ يجيبونه وهرجٍ يودونفلان قال ، وقال . وفلان رجالوفلان ماهو رجل ، وفلان دندونأقول ! ناولني من الكيف فنجالماعاد صدري يحتمل كثرة غبونيقول ابن جدلان من عرض ماقال(تكفون صونوا كلمة الشعر تكفون)وانا بقول اليوم عن كل الأقوال(هذا الصحيح وقولوا اللي تقولون )
© 2024 - موقع الشعر
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.