لاواهـنــيــك يـــــا حــمــامــه هــنــيــاه

لاواهنيك يا حمامه هنياه
حره طليقه في الهوى يا حمامه

مانتي بمثلي كل هم(ن) تولاه
هم(ن) نحل جسمي وبين عظامه

اخفي هموم(ن) داخل القلب تلحاه
لحي الدبا لرعي ساع استقامه

والدمع لامنه همل وانتثر ماه
صديت عن ناس(ن) تحب الملامه

الناس مابه حي(ن) إلا وتشناه
ومن طاح بين يدينهم واعدامه

كله سبايب صاحب(ن) وين بلقاه
راح وتركني هايم(ن) في غرامه

اتلا العهد به يوم يشر بيمناه
ومن حسرته عجزان يرفع لثامه

الله يا محلا عيونه ومحلاه
ومحلا جديل(ن) نازل(ن) لا حزامه

لا واعذابي ياهلي كيف بنساه
وانسى سواليفه ورقة كلامه

ليته يجي ويشوفني عقب فرقاه
ويشوف شخص(ن) ميت(ن) في سلامه

لاجا توال الليل همه تولاه
وقامت هواجيسه تكدر منامه

هاجوس يصبح به وهم(ن) تمساه
وماله جدى يا كود عظة بهامه