نجوى وبنت المشعلاني

آه من زولا لمحته ماتهنى القلب شوفه
مادريت اقول عنه مرني ولا لقاني

لوتشوفه ياعذولي ماتصدق ذي وصوفه
خالقه ربي جمال وجاعله شيخ الغواني

سمعته في مجتمع لحباب ذربه ومعروفه
ماشهرها اللي شهر نجوى وبنت المشعلاني

بالجمال وبالدلال وطيبة الخاطر عطوفه
قمةالاخلاق والمنطق ثقافي واتزاني

وان تثنى عودها المياس ثم هزت ردوفه
راحوا العقال عقبه في مداهيل الجناني

هول عيني واعذابي من شقى قلبي وخوفه
يوم قفت والعيون تشوف وانافي مكاني

ادري انه في حياتي ماعلى غيره حسوفه
بس حظي بالشقاوه دون رغباتي حداني

والهواء بين الضلوع العوج لاهبت شفوفه
ثم بغيت اجيه خفنا سالفة يالليل داني

والله ان اصبر على حظي ولو لحقه كلوفه
ماجداي الا دموعي والله الله يازماني

وش وراء سودالسنين اللي على مثلي عجوفه
غير هم(ن)عاش عشر سنين في رجوى التماني

نعبوا عيشة زمان(ن)فيه لاعتني ظروفه
كل ماجاملت حظي مالقيت الا الهواني

عزتي للي سواتي جاز من شي(ن)يشوفه
مابقى غير احتمل بلواي لوصبري عصاني