نشفت كبد الورق - ناصر الهاجري_البدوي

ما ادري وش اقول حتى الشعر مايدري
ياصعب ذاك الشعور وصعب تفسيره

نشفت كبد الورق ونشف حبري
لين ارجهنت وغنى الوصل للجيره

بس انتظرني شوية قبل لا تسري
عساك تقبل كلام مامعي غيره

لا الجرح كبرك وأنا ماجرحك بكبري
لملمت بعضه وبعضه فاق تقديره

أحسك اصدق أحاسيس الهوى العذري
من منطلق همسته لآخر مشاويره

للجرح بحة حزن يشدي بها القمري
لاضاق صدر الزمن وأطفى نوويره

في صوت الأبراج نسناس الهوى البحري
كأنه يتشره على بغداد والحيره

أملاك صوت الأسيريون في صدري
لهفة حنينه وتهليله وتكبيره

أملاك جيت أتعذر واقبلي عذري
خانك زمانط وخان الشعر تعبيره

© 2024 - موقع الشعر