نسناس الشرق - منصور بن جعشه

لبيه يالشرق لا من هب نسناسه
يفيض قلبي ليا هبت هبايبها

وان زان جوالقصيد ودق هوجاسه
كن القوافي تلاعبني والاعبها

فالجادل اللي تتل القلب من ساسه
والشعر والعشق ماتحمد عواقبها

وان فاح عطر القصيد تسابق انفاسه
تارد على دم شرياني ركايبها

طفقه وحلوة ودلوعه وحساسه
حتى سواد الدجى لا حل يغضبها

وان فلت الراس ذقت المرمن كاسه
كن الليالي تشكا ويش جايبها

والحرف في وصفها عشرين كراسه
كن القلم بس يمحاها ويكتبها

اميرة القلب والمعلوق حراسه
واليا اعتزيت بغلاها قمت اخربها

الجيد مابين لؤلوة والماسه
والعنق يابعد بعده من مناكبها

والعين عين خلوي رافع راسه
والشامه اللي تعشت من حواجبها

فيها الحلا والغنج والعود مياسه
والقوم من دونها تفتل شواربها

احبها من خفوق صادق احساسه
خل الضواري تعشا من مخالبها

وبنك الغلا عندهاما يعلن افلاسه
سوات مهرة و(ابن حثلين) راكبها

لا قامت الحرب حطت باسها باسه
لانه على كفه اليمنى مدربها

واوضاع قلبي على ماقيل منحاسه
وان مت الله واعلم من سبايبها

بواسطة العضو : عبدالله بن جمعه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر