"يا هلا"

لـ مفرح الضمني، ، في غير مُحدد

"يا هلا" - مفرح الضمني

يا هلا بللي مجيي على شانه
صاحب ما حط لي صاحب دونه

مرحبا يازرع قلبي وبستانه
بارك الله في زفاف تحظرونه

حبكم في داخل القلب مسكانه
ليتكم بين الضماير تشوفونه

ياعشيري يمك الروح ولهانه
من بلي في حبكم لا تخلونه

صرت لك يازين مملوك ورهانه
في تصرفكم ترى الروح مرهونه

ارحم اللي طال صبره وهجرانه
مايطاوع فيك ناس يعذلونه

يو مقالوا من تبي قلت ابي فلانه
غيرها مالي مع الناس مضنونه

يانظر عيني ترى الكبد عطشانه
ليت عطشان المعاليق تسقونه

شربة تطفي عن القلب نيرانه
حيث نار الحب بالقلب مخزونه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر