أنـتـخـيـت بـشـعـري أثـّـريه مغبون

أنتخيت بشعري أثّريه مغبون
التفت لي باالعيون اللي تخيف

قلت شعري انتهض بي لا تخون
قال مشعل لا تنخّا بالعفيف

قلت شعري تبتسم لي باالعيون
قال أنا ماني بطوعك يالخفيف

خلّك بدربك تعدّل يفهمون
وإثّقل الدنيا تبي رجلٍ شريف

يمشي بدربه ولا همّه فتون
ياخذ من العِرف عرفه مايعيف

يجلس بصدر المراجل ماتهون
يشرب الدنيا هماج ولايهيف

ياخذ من الليل وقته للحنون
ربنا المعبود بعباده لطيف

والبشر مهما تمادوا يرجعون
كل عبدٍ يرجع دموعه ذريف

كم لك بدنياك تمرح في جنون
كيف تنسى يالسنافي كيف كيف

جثّة الشايب وهم له يدّفنون
ذاك أبوك اللي كلامه حد سيف

شيخ جمعٍ من نخاهم يفزعون
صيته اللي باقين ماله وصيف

إيه يامشعل ترآني لك زبون
لا تقول إني معك دايم كفيف

أرسم الدنيا بعينك لون..لون
فيك غيم من الشعر يرجف رجيف

فيك لين وفيك رحمه فيك عون
فيك شاعر دايمن والله ضعيف

مثل غيرك يسرحون ويمرحون
مادروا إن الليالي له رفيف

تاخذون من الليالي ماتبون
وكل شاعر للبلاوي هو حليف

قم..تنهّض وأترك اللي يضحكون
وأعرف إنك عابر بدنياك ضيف

قلت شعري أوعدك مهما يكون
ما أكررها تراني لك وليف

وإن تكرر أو نخيتك للعيون
اهجر ديارك وغادر يالعفيف