15 عام

لـ مشعان البراق، ، بواسطة مشعان البراق، في غير مُحدد

15 عام - مشعان البراق

سنين مرت .. كنها قطعة ايام
راحت من سنيني ولا ودّعتني

اللي بقالي منّها .. روس الاقلام
ذكرىً تذكرني ب من خالفتني

جيت الديار اللي من العام للعام
ازورها .. وأطلالها موحشتني

صدفه .. وكم جرحٍ بعد غفوته قام
عرفتها يوم انها عارضتني

وقفت مابين الحقايق والاوهام
مرت علي الذكريات .. وخذتني

لحظات في عيني مثل طيف الاحلام
اللي ل ( هذاك ) الزمن رجعتني

ل ( ايام ) .. ماكنّا نفكر ل قدّام
يوم اني ارجيها .. وهي راجيتني

راحت بحفظ اللي كفل رزق الايتام
الله يسامحها .. وراء ماحترتني ؟

راحت ونكّست البيارق والاعلام
وقنعت يوم ان السلوم اجبرتني

اليوم مرتني تخطّى بالاقدام
عدت علي .. وكنها ما اعرفتني

ماكنها اللي خلت ضلوعي حطام
ولاكني اللي قبل اسافر بكتني

مدري اعرفتني ! بعد خمسة عشر عام
والا انها بعد كبرنا .. نستني ؟

© 2024 - موقع الشعر