سـلام منـي عــد هـجـال المـطـر

سلام مني عد هجال المطر
وعد السرايا النمر واللي يقودها

وعد النجوم اللي على سطح السما
وعد الارا ض وعد مااخضر عودها

بعد الزياره يوم عايض دعانا
بإسم بني هجهاج كثرت جنودها

قيبلة ياويها من قبيله
درب المراجل هقوتي مايكودها

يردون حوض الموت في ساعة الوغى
يوم اشهب البارود غطى حيودها

من رووس غامد كل مارد البر
ايوم القبايل قدحها من زنودها

لاجا نهارٍ فيه طايح ومنبطح
وبعضٍ من الكلمات يصعب ردودها

واما الكرم عادةٍ له يفعلونه
ويلقى من العربان غيرٍ شهودها

اقوله وانا ربعي ( ظهور السواني )
سموا البقوم اللي عراب جدودها

اهل بلادٍ ماحدٍ طمع فيها
ومن طمع فيها مرةٍ مايعودها

اشهودها ريحان من ريحة الدما
يومٍ باشة الاتراك جانا يقودها

خذا شهرين طامعٍ يحتلهاوصحنا
عليهم صيحةٍ هب نودها

لين استوى قتيلهم واصوباهم
واقفى شجيع القوم يتبع شرودها

فرساننا قامت توطي جثثهم
لين السباع الشهب قامت ترودها

ولياركبنا فوق جرد السبايا
مزرجاتٍ كم كسرنا عمودها

يفرح بنا من حطنا عزوةٍ لهفي
ساعةٍ ملح الثميدي يسودها

حنا البقوم مطوعت كل عايل
دون الغروس اللي رست في جمودها

وبقت لنا والناس كلٍ يباها
ولا واحد يقدر يقرب حدودها

وان سلت عن ربعي وفخذي وعزوتي
حنا ( القروف ) اللي بعيد سدودها

ترعى بنا سحج الخلايا وتنثني
وتامن بنا العرى وتكبرلهودها

وحنا ترى ( ابن حمود ) من رووس قومنا
انشد عن اخباره وتلقى ردودها

ومن ربعنا خيالة الرجليه
(جمل) جملهايوم غاصت لهودها

ومن ربعنا( البعاج) خيال سبلا
ستر الهنوف ليا تبلتا قعودها

تامن به البل لو لحاله جنبها
ماحسب اعداد العدو في ورودها

وانشد عن السكني تراه من اهلنا
اللي سبوق القوم يبتر عضودها

وكسيرة الاتراك من ضرب بندقه
مثبته وابن (محي ) من شهودها

قدام جيتهم لنا كان جالي
واحتاجت الديره لعودة اسودها

وتشاوروا كسابت المجد والثنا
وارضوا عنه ربعٍ يبوس كبودها

ثم ارسلوا له فاطرٍ عدمليه
مندوبهم على ظهرها يقودها

وتباشروا به يوم جاء من غيابه
عند ابن (محي ) ريف الانظا سعودها

ورمى من المجلس على موقع العدا
وخيمة كبير القوم كسر عمودها

وقالوا لفانا واحدٍ كان غايب
واهتزة اركان العدو من عضودها

وعند الصباح من يوم ثارة بندقه
بانت هزيمتهم وقفت حشودها

وازريت لااحصي عد فرسان ربعي
اللي ينومسنا لاعد جودها

وصلاة ربي عد ماذعذع الهوا
على النبي عد الجبال ونفودها