ياراكبا حمرا تبوج اشهب اللال
تهوي كما تهوي فريد النعامي
انصي الامير وطقها عنك هذال
لعل عود عقبه للرخامي
تلقى اذا جيته من البن فنجال
وهيل يكثر بالدلال الحشامي
حر تسلسل من طويلات الاقذال
نلطم به العدوان شرق وشامي
الا شاف ميلات العدا جاه ولوال
رفرف بجنحانه وكسر وحامي
نبيه للراس المصعفق اذا مال
اذا شيلت العطفه نهار الزحامي
ام لنسل مضيم ماضين الافعال
واللا العلوا اهل الجموع الزوامي
يانجد لاترهب من الحرب لو طال
وترا شراع الحرب ما ساع قامي
ابشر بجيش وخيل وسلاح ورجال
صفرا وجمرا مثل لون التهامي
ياما قطعنا فيك من راس خيال
لاثار عج مغبرات العسامي
باكر اليا علك من المزن هطال
وشفت الزهر كاس خشوم العدامي
اما تحدرنا من العرض وشمال
والا علينا للطلايع ملامي
مثل النهار اللي على هضبة الضال
فيها الدويش وفيه ولد الامامي
ولدوا على خشم القهب سيلها مال
ناخذ عمار مجربين الاسامي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.