يطلب عفو الامام فيصل - محمد هادي بن قرمله

يالله يامنشي مزون طهايف
افرج لمن هو مايجي درب منقود

أدنيت انا الحرقا وقلطت نايف
وردوا علي الهدو ما أبغى له ردود

نايف على اسمه جا عديم الوصايف
منفله ربي على الخيل به زود

أبوه سباق لخيل الطوايف
وأمه ثمنها تسعة ألاف منقود

ياشيخ لاتسمع هروج الحفايف
خذ جابتي يامنقع الطيب والجود

لو كنت عود لي افعول عنايف
وربعي اتطاوعني على الهون والكود

حنا على ضدك جبال نوايف
وحنا لك اطوع من عنيبر ومسعود

لي لابة تروي حدود الرهايف
لا جاء نهار فيه حاوي ومردود

مانشتحن من حرب كل الطوايف
والى بدا لازمك حنا لك جنود

شد(........)من ورى كشب خايف
ولا يحدر كود يبرى له القود

وشد(.......)من خشوم الردايف
وان سندوا وردوا حنيظل وأبا الدود

لي لابة ماجمعوا بالعلايف
من نسل قحطان وتعزا على الهود

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر