نار حبك

ياشين علم من حبيبي سمعته
لوع فؤادي ليتني به مخاويه

له وسط روض القلب حب قنيته
وأسقيه من دمعة عيوني مراعيه

وهو يبادلني بود مكنته
ضحى علشاني وقدم مجانيه

ما فيه يوم قال هرج وزنته
ينطق حكم ما فيه حي معاويه

لو كان سلعة غالية لاشتريته
ولو كان نار تحرق الرجل لاويه

من دون كل البيض حبه كنيته
في القلب خيم وسط عالي مبانيه

في صفحة العاشق ترى اسمه كتبته
بالنسخ والرقعة مرسي معانيه

ليت المرض يا شوق ينطق سبحنته
يا الله تسعدهم بلطف تعافيه

يا شوق تكفي سبني اهرج خفيته
للي تعزه يكشف اللي نعانيه

ان غبت عني نار حبك ساكنة
واللي بيحرمنا صعيب نقاويه

لا تروح وحدك بعدنا ما هقيته
باتيه في دنيا التعاسة بخافيه