يالغايب اللي غابت ايامي معاك
يا جعل ما جاني من الفرقا يجيك
استغفر الله !! جعل ماجاني فداك
حتى لو ان نهايتي .. على يدييك!
مسامحك .. واللي بقوله في قفاك
خيرك كثير .. ويرحم الله والديك
ماصار شي ابلا رضاي الا رضاك
اللي ماهو فيني وابيه القاه فيك!
كنت السما في عيني وعيني سماك
كانت حياتي كلها منك واليك
كنت بيديني مير مدري من خذاك
حسبي على تقصيري وحسبي عليك
علمتني.. وش الحياه من الهلاك
في موادعك هذا وفي جيّتك ذيك
ياكيف ابلقى شخص يسواني سواك
كل مانويت انهيك في شخص ابتديك!
أبدى أقارن مستواه بمستواك
واخاف لاتزعل وابيعه واشتريك
والمشكله : رغم محبتك وغلاك
واني رغم كل شيّ مشتاق وابيك
ما هوب من حقي يضايقني جفاك
ولااعشقك ولاالمحك ولااحتريك!!
لكن ما يخفاني ولا اظن يخفاك
حقي عليك .. انّك تطمنّي عليك
فهد الخرجي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين