الذكــــــــــــرى

الله من ذكرى تذكرت فيها
ماضي زمان والفكر مانسيها

ابيعها مرة وعشر اشتريها
واظن ما انساها على مر الأيام

(( على بعدها مرسومةٌ في خيالي ))
ذكرى تثير أفراحها لنا الفؤادي

بين الشجر والمي والطير شادي
تمكنت مني وسمَّت فؤادي

وإذا مضى عام بعذابه و رد عام
(( وأنا لا سلمت الهم ولا صفالي ))

هبت بها أنسام الصبا وأفرحتني
ومن طيفها طار الكرى وجرحتني

ياليتها من النوم ما نبهتني
ولا تولتني بذكراها الأوهام

(( وأنا كنت مرتاح ومن الهم سالي ))
واليوم حسيت إن قلبي تغير

والفكر من ذكرى طرت له تحير
وأنا انجبرت وأعزف عن النوم وأسهر

دام القمر بالجو سهران ما نام
(( سهرنا وكل إللي مضى له مضى لي ))

واشر لنا نور الصباح بشعاله
رفرف علينا بالنهاية شراعه

قلنا لنور الصبح سمعاً وطاعة
ولأن كل اللي هرجنا به أحلام

(( والأحلام تشغل دايماً كل بالي )