أزيد بالفرقا

أزيد بالفرقا ولا هو بودْي
و أدري الزمان اللي صفا لي عصيته

يفز نبض وينقبض وسط يدْي
ذنبٍ ف حقه وادري أني جنيته

أقول غلطة يا لظروف وتعدْي
أثر الغرام اللي نهيته .. بديته

أول أقول أن راح ما راح جدْي
واليوم أموت من الولع ما نسيته

أحس نفسي ما قويت التحدْي
و أروح أدور صاحبي عند بيته

أثره حبيبي واقفٍ عند حدْي
نفس الشعور اللي بغاة و بغيته

نفس السؤال ورده بنفس ردْي
يخفي شعورٍ .. في عيونه قريته

في ذمتك منهو من الناس قدْي ?
لا صرت فاقد شي ثمٍ لقيته