سر وجهر - محمد الفهاد البرازي

كم سهرت من الليالي على عودٍ نشاش
لين صافحت المشاريق في عين وسهر

ماكسبت من التجارب على خالي بلاش
كم قطعت من الجراهيد من ساق وظهر

برق ياللي مالنا منك غيم ولا رشاش
جعل عين اللي تخيلك تموت من القهر

يوم كسرت المرابح وعديت المعاش
ليني الظامي ورجلي على جال النهر

المساري حطت الرحل والديره عفاش
ذيب ياللي تقنب الصوت في سر وجهر

آه ياللي كل ماجاش في ذكراه جاش
عاتبنه ذكرياته وغنى له دهر

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر