دم جساس - محمد الزايدي (جبل شدى)

بديت بسم الله عليه اتكالى
امنزل القرأن لناس نبراس

الخالق المعبود رب الجلالي
خالق جميع الناس من عدة اجناس

يابوفهد ناظر تمقى بحالي
الهم طاويني وقفل بترباس

واقف على جرفن هزيل وهيالي
وتصفق ايديني على اخماس واسداس

همي ثقيل وشايلته الليالي
تكفخبه الظلماء علي قب الارماس

اصبح نديمي في غوى الليل سالي
ومن شدة النشوه ضرب كاس في كاس

همي سطا فيني وسج ابخيالي
كيف المهلهل ينتظر دم جساس

جاب الصبر من وين ياعزتالي
يانفسي اللي زادك الهم لاباس

ياعزوتي وش عاد ياراس مالي
ابني مبانيها وتمارى على ساس

اشوف بعض الناس ياهملالي
لن طالت الهامات باالرجل تنداس

ماينفع الرجال كود الريالي
لن دارت الدنيا تسولف به الناس

باالأمس داري تزدحم بالرجالي
واليوم لاظيف(ن) ولى رجل عساس

ولن جيت اسولف مابقالي مجالي
اربع من المقعد وبه قوم جلااس

ومن عالي الهامات مثل الجمالي
اعثربهمي من عنى ثورة الياس

اقولها لك من صفا بمتثالي
ترى الحديد اليوم ماهو كما الماس

بعض العرب ما ينشرى باالهلالي
والبعض منها مالها الكنز مقياس

ماينفعك عم(ن) وم نقال خالي
لن ضاقت الدنيا تخافت بالانفاس

وكل الحذر من ها القريب الموالي
اللي ليا شافك تمنى لك الباس

ولن كان عندك شي يبن الحلالي
ايزل بعض القوم ويحبب الراس

ولن ضحكت اسنونه ترى المر حالي
اخذ الحذر منه ترى العرق دساس

ولا يعجبك مشي الهبيل المبالي
امشي مع اللي يعجبه كل نوماس

ولالا توثق في رموث الحبالي
لاصار دلو البير مشقوق غطاس

با الشمس خلك ولو وزانك ظلالي
خل العدو بلحظة الغبن ينحاس

ولاترمش اعيونك وفيه احتيالي
عين(ن) تبوق الشوف من دق الاجراس

وشب الحطب في داكن الليل خالي
ولا يقترب عينك مع النجم نعاس

وكرم ضيوفك من شقور الدلالي
وخل العطيه بين نجرن ومحماس

والبوم يبقى في سفوح الجبالي
والصقر لامايطرحه كل قرناس

ياحر خلي هامتك (ف) العلالي
احذر توطيها تحت ركب الافراس

© 2024 - موقع الشعر