جميع الخلق مسحوره

الم وحده وجع غربه بقايا اوراق منثوره
بقايا ليل مايرحم... ظلام وظلمته شينه

بقايا قول في دفتر قصيده حزن منشوره
نشرنا الشعر لعيونك عسى انك يوم تقرينه

رسمنا اليل والقمرى كتبنا الشعر وبحوره
رسمنا طير مع خنجر ..وضعنا القيد بيدينه

وقلنا القلب هو عشه جعلنا الحب عصفوره
وقتلتي الحب في مهده وقمتي اليوم تبكينه

فرحتي. وانتي غلطانه وعدتي اليوم مكسوره
عقب ماهو نسى حبك رجعتي اليوم تبغينه

فمان الله لاترجع .وكل (ن) عارف قصوره
مثل ماهو نسى حبك يبيك اليوم تنسينه

يبيك تموت في غيضك يبيك ان عشت مقهوره
ويحمد الله مادام انك عذاب البعد تشكينه

صحيح الحب هو مجرم ولكن متقنن دوره
دليلي في يدي عندي ولكن كيف بادينه

مادام الخلق في صفه جميع الخلق مسحوره
تحب الحب وتوده رغم جوره وتجنينه