بــــاحرق قــلوب الــــصبايا - محمد ال مهيد

رمشه وعينه والكحل واسود اليل.
والشعر والشيله.. وصف الثنايا

والطيب والعنبر مع المسك والهيل.
والموت الاحمر بس. رسم الشفايا

هذا البعض وشلون باقي التفاصيل.
وشلون انا لاقلت كل السجايا

انا اعتقد.. باغبن جميع الرجاجيل
اكيد انا باحرق قلوب الصبايا

لاقلت هذي منوتي..فتنه الجيل
اهيا هوى نفسي وغايه منايا

احبها حب(الشلي) للمعاميل
احبها حب البدو للمطايا

الوضع واضح مايبي زود تحليل
عجزت اعدد مابها من مزايا

فان قلت عينه جاوبني المضاليل
وان قلت خشمه عاتبني الشفايا

© 2024 - موقع الشعر