البارح العين سهرانه ولا باتت هنيه - محمد آل مناع الغمري

البارح العين سهرانه ولا باتت هنيه
كلت وملت وطال فراقها يا الله ان تعيني

تسعين ليله معا تسعين ماضية عليه
مع عشرة ايام وسط السجن ماحي يجيني

يكون من هو يحل المشكله في كل هيه
جاهد بحاله وماله لا افرغ الله له يديني

حاز الجميل وكسب معروف فيني ياخويه
وانا اشهد ان الحسيني من حساب الطيبيني

حيث تجمل وجاهد لين ما خلا دعيه
سعى لنا بالفرج من مقعد ماهوب زيني

من مقعد الذل والحقران يا طوله عليه
ودي بفرقاه لكن ما تساعدني يديني

دوني عوايق وبيبان وحرس ومحاسبيه
واللي على الباب قلبه قاسي عيا يليني

امانة الله معك يا طير خذ جزل التحيه
خص الحسيني شمام وعم ربع غايبيني

هذا كلامي وختمانه من الواجب عليه
ذكر الولي الكريم وذكر سيد المرسليني

© 2024 - موقع الشعر