هذي فراق وهذي اسئلته

ماقلت لي شي..وش خليت ماقلته
أسكت..وخل الكلام لجرحي الدامي

لو غيرك اللي يسولف..ماتحملته
لاكن على شان عينك..هانت ألامي

للحب مفهوم..عمرك ماتخيلته
ما ظني يستوعبه تفكيرك السامي

هذا الفراق الطويل..وهذي أسئلته
هذا حصاد السنين..وهذي أيامي

ياما وياما عليك البال..طولته
والعمر عدى..وأنا عايش على أوهامي

حتى طريق الفراق اللي تساهلته
لقيته أصعب على نفسي من أقدامي

أصبر لي شوي..لو دمي تثاقلته
بحاول أستوعب اللي صار قدامي

الحب ضحكه بعينك..بس ماطلته
عمرك بهالكون..شفت أبسط من أحلامي

القلب لو ما خفق لك..كان ماشلته
ولو ما أنت ملهم قصيدي..جفت أقلامي

هذا قصيدي بعينك..لو تجاهلته
ينزف على شان..يروي قلبك الظامي

العام طاري غيابك..ما تقبلته
واليوم حرماني أصبح مصدر إلهامي

لا تعتذرلي وابنسى كل ما قلته
ويش ينفع العذر..لامن ضاعت أيامي