تتعذر إليه او تعتذر - مانع سعيد العتيبه

تتعذر إليه او تعتذر
او منك العذر مقبول

لي منك يا أحلى بدر
عا العين والراس امحمول

حلمي لقا عندك فسر
حلم ايراودني خجول

والكسر عندك له سر
وإل مشكلي عندك حلول

انته اليسر بعد العسر
انته ربيعي في الفصول

عمري جزر وانته الجسر
لي بالحياه رابط وصول

بك فلو قلبي ينمطر
او يخضر من بعد الهطول

يحيي هشيمي المندثر
او تسمن ذلولي لي هزول

ما اطيق لو بعض الهجر
ابدا ولا اقبل لمهمول

بصبر على مر الصبر
لجلك غدا طعمه امعسول

بعت العمر لك بالخسر
او ما كنت في بيعي بخول

افرح واصير المنتصر
لي من بدا منك القبول

انته صباحي والفجر
من عقب ليلي لي ملول

ارقب طلوعك وانتظر
واقول له ياليل طول

© 2024 - موقع الشعر