تــــاج الــغـــــناة - كديميس السيحاني

ياشبيه الريم زينتك مرجان وحِلي
العبي في وسط روضٍ خضر ربي كساه

من مروج العشب وليا ضميتي ف/ انهلي
من نبع صافي وساقاه ربي من عطاه

التجارب في الزمن حذّرت مستقبلي
وماضي الأحداث يرسم طريق الإتجاه

خط سيري , شال حمله على ظهر جملي
والقمر بين النجوم الرفيعة في سماه

مانزل يم الثرى للثريا معتلي
وحط نجم سهيل والجدي اخويا وقصراه

يا شرايين اليمين ارقصي في محفلي
و يا يسار الأورده ادفعي له مابغاه

زودي قلبي بضخك ولا تستعجلي
يصفي الدم المطهر ويستنشق هواه

هد يا ضغطي وكل الحقايق تنجلي
ماد خيل وكل سابق تبي تاصل مداه

و الرياح الموسميه تدوّر مقتلي
والمطر في الوسم كم قلب ساهم في دواه

يوم اصفي نيتي ما على النيه وليّ
غير رب الكون والصدر ما يجهل خفاه

ما خضع للمصلحة غير من هو مبتلي
يا سرع ما اقفى ليا من تحقق مبتغاه

يوم يدرج للرحاه الليالي حمّلي
ويجهضن بحملهن يوم يعطيني قفاه

واتفكر مر واقول انا قلبي خِلي
ما ارتدع رغم التجارب وكفاني عناه ؟

ومر اقول اللي تقداء بعمى بصر أخبلي
والبصيره ضايعه منه ومضيّع جداه

واحمد الله واشكره ما تغيّر منزلي
عند نفسي يوم لبّستها تاج الغناه

© 2023 - موقع الشعر