إنشطار المــــوج - كديميس السيحاني

ياسراب القيض ما تروي ضماي
ولاش فيّه عنك يا شمس الهجير

و يا جحود الأمس ما تفرض عناي
ولا تنزّل هامتي شربة غدير

عن سموم البيد يأويني سماي
تكفخ الجنحان للطير ويطير

لو يبيح الصبر ما بيّح خفاي
التحف بالصمت شهقات وزفير

و اطوي الصفحات و استنشق هواي
مع هبوب عصير من بحرٍ غزير

و العزى في الموج يستطرد معاي
و إن كسره الشط واصل للمسير

وفي حروف الشعر يوصل له صداي
وترقص الأمواج رقصات الغرير

و إنشطار الموج يستنجد مداي
و اجمعه في كف اعالج به ضرير

لين يقراء حروف خطتها يداي
لو توارى عن عيوني مستذير

ما التفت له عمد و أوحي له غباي
و اخدمه في ضل و اصبح له نصير

يمكن المفهوم تكفير لخطاي
ويمكن المفهوم غير , اقول غير

و الأكيد أني وصلت لأخذ رأي
ما اتراجع دون تقرير المصير

لو سراب القيض يروي لي ضماي
و اكتسيتك فيّ ياشمس الهجير

© 2023 - موقع الشعر