اولاد روق اللي ليا دارت رحى الهيجا ولام - كديميس السيحاني

يوم السحاني يعتزي حنا منجين الطريد
اولاد ناصر لابتي يوم اللقا سقم الخصام

من روق(قرنه لابتي)(والقرنه)افهم يالبليد
انا احمد الله وافتخر حنا مروّية الحسام

اليا زبنا المعتدي من يطلبه لازم يحيد
محدٍ تجرا ياصله حنا عضوده فالزحام

امزبنين اللى هِدر دمه وذا علمٍ وكيد
مافيه سلم ٍ يحتميه ولاخوال ولا عمام

كل ِ تبرى منه فالشدّه.. لنا الخالق شهيد
وجته النصيحه وامتثل ثم جا ويقفاه العسام

والسلم الاول مانفع في صد من جانا وحيد
ثم سُن له سلمٍ جديد وكل ركنٍ له مقام

ورث الجدود الأوله للشايب وشَبّ و وليد
اوجيهنا وسيوفنا في ذروة المجلس سنام

ماقلت زور بمنسبي ولا اتنومس بالقصيد
هذي حقيقه قلتها والبرق يكشف فالظلام

واليا اعتزيت الثانيه مزحم لي الركن الشديد
ان صاح صياح الضحى جولك هل الفزعه شمام

واليا اعتزيت بروق جوك امجدّعت روس الضديد
اولاد روق اللي ليا ثارت رحى الهيجا ولام

والعزوه الهيلا ليا استفزعتها لي يوم عيد
في شمس قيض القايله عن حرها صاروا غمام

في ماقفي ولماقفي صخرت انا حرف النشيد
يالراوي اسمع جابتي وافرّق حلال ٍ من حرام

مانيب من يزرع فتن ويفرّق الجمع العنيد
ويفرّح العدوان يوم الكل يبغى الانتقام

كل المراجع في يدي واقول زيد ابن اليزيد
اعرف مفاهيم العرب واللي بعقلي مايلام

اللي مشوه الأولين امشيه واعزومي تزيد
واليا اجتمع بحر ونهرمن برزخه فرق الطعام

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر